Todo é silencio

Autor

Manuel Rivas (1957)

Máis información: Manuel Rivas

Libro

Editorial: Edicións Xerais de Galicia

Edición: 2010

Páxinas: 276

ISBN: 978-84-9914-169-5

A miña impresión

Este librolembroume cando de novo ía veranear ás Rías Baixas. Camiñar polos peiraos ó carón desas planadoras con centos ou miles de cabalos de potencia, andar a pasear polas vilas coas farolas apagadas, escoitar ruxi-los motores ó fondo da Ría, as novas dos xornais e os telexornais: Lembranzas de cativo. Certamente todo era silencio ata que todo, ou case que todo, sóubose.

Esta novela atópase, tamén, traducida ó castelán en Alfaguara, có nome de Todo es silencio.

Esta novela de varias cousas ó mesmo tempo: a evolución do contrabando nas Rías Baixas (dende contrabando de cousas legáis, de primeira necesidade e tabaco, e cousas ilegáis, as drogas duras), como a xente evoluciona no seu entendemento cos contrabandistas e, asemade, como as amizades e amores de cativos rematan sendo enemizades perigosas xa de adultos. Gustoume e resultoume moi doada de ler.

Contraportada do libro

Todo é silencio narra o irresistíbel ascenso social de Mariscal, un capo contrabandista, e das almas que habitan Brétema, o universo que el domina ao seu antollo. En Brétema, na costa atlántica, houbo un tempo en que as redes do contrabando, reconvertidas ao narcotráfico, acadaron tanto poder que estiveron moi preto de controlar o poder social e as institucións. Todo é silencio narra tamén a vida dun grupo de amigos, aos que une dende a infancia o andar ás crebas, á procura de restos de naufraxios, no escenario sempre sorprendente do mar de Galicia. Ese mar que fala con signos que deita na beira. Dende moi pronto, o destino da xente nova estará determinado pola sombra odiosa e engaiolante a un tempo do omnipresente Mariscal. Unha novela, Todo é silencio, que relata como os círculos do crime rodean e corrompen, non sempre con éxito, o extraño feitizo da condición humana.